تونيزيا سكول

منتدى تعليمي تونسي مجاني
 
الرئيسيةس .و .جبحـثقائمة الاعضاءالمجموعاتالتسجيلصفحتنا على FBدخول

شاطر | 
 

 ابخل عباد ربي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MOHAMED 95
تلميذ جديد
تلميذ جديد


عدد المساهمات : 10
نقاط : 23
تاريخ التسجيل : 22/01/2010

مُساهمةموضوع: ابخل عباد ربي   الجمعة يناير 22, 2010 3:16 pm

قالك فمة ثلاثة أصحاب قاعدين في بيت ، فجأة طفات الامبوبة ، رصّاتلتهم قاعدين في الظلمة ، قال الأول: أنا نعرف وين الامبوبة الجديدة هاو تو نجيبها..وأنتوما شوفوا آش تعملوا، قال الثاني: أنا مستعد نطلّع منكم واحد والا لثنين فوق أكتافي باش تركبوها وخزر للثالث الي قال: وأنا ما يبقالي كان باش نحطها في الدوي متاعها ..صار الأمر كما خططوا له لكن الامبوبة ما شعلتش ، قال الي هاز صحابوا على أكتافو : آشبيها ما شعلتش؟؟ قال الفوقاني : هاو طلعت "فيلتاج" دوروا أنتوما من تحت .....

تعرف تعوم؟؟

قالك حاشاكم وحاشا قدركم ، البهيم إكتشف أنو إسمو لما يقولوه بنو البشر لبعضهم يتنرفزوا وبالتالي فهم أنو لازم يبدّل أسمو ..هز روحو ومشلى للحاكم متاع الغابة ، المحكمة منصوبة ، قال : سيدي الحاكم ، أنا اليوم إكتشفت أنو إسمي يعتبروه البشر سُبّة ، لذا جيت باش نغيرو نهائيا ، تبسم الأسد وقالّوا " أيا باهي ،، وآش قررت باش يولي إسمك؟ جاوبو : حوتة سيدي الرئيس..قال الأسد: حوتة ؟؟؟ لكن هاو موجودة في البحر والوديان ؟؟ بالكشي تتغشش ؟ قال البهيم : وتتغشش علاش؟؟ هي نعتبروها حوتة البحر وأنا حوتة البر ..ولى الأسد استشار أعضادو النمر والفيل ومنها قالو : داكوردو، قررنا من اللحظة هذي يتغير إسمك وتولي حوتة ..وسلمو الحُكم ..خرج البهيم فرحان ، عارضو ذئب، سلم عليه وقالو : نشوف فيك فرحان يا باهاما ..(تربيجة وبرّه ) قالو: لا باهاما ولا بهّوم ، شد إقرأ الحكم ، انا من اليوم اسمي حوتة ..وبالله خبّر الذيوبة والكلاب والثعالب ، داكوردو ؟؟ عارضتو بقرة : كيف كيف خبرها وطلب منها تعلم جماعة القرون الكل، لين تقابل مع قرد، ودار بيناتهم الحوار التالي:
القرد: اهلا بهيم
البهيم : حسّن ملافظك ، اوكي؟؟( عندو تكوين في الانقايزية )
القرد: علاه؟؟ موش انت بهيم ؟
البهيم: يا حسرة عليك،،، انا بمقتضى حكم صادر عن المحكمة وليت إسمىي حوتة ..
القرد: حوتة ؟؟ ملاّ حوتة ؟؟ باهي ياسر ...تعرفشي تعوم على الأقل ؟؟
البهيم : لا ، خوك كعبة لا في السباحة
القرد: مالا هاك بهيم ............

الكذّاب

قالك فمة واحد كذّاب ، طفّوه أصحابو ، عاد ولّى يجمع في وليدات صغار يدوّرهم بيه ويبدأ يجلز عليهم ( الفعل جلّز معناه قال كذب مفلق ، تتكسر الدبّوزة ويقعد الزيت معلّق) هاو نهار وهوما دايرين بيه قاللهم : أنا راني صياد غزال من الطراز الرفيع ، كيف نمشي لعين دراهم ، الغزالة الي وزنها أقل من مئة كيلو ما نخزرلهاش حتى الخزران..هاو مرة تعدت قدّامي غزالة (هاك الي قرونها بالأغصان) قال أنا عمّرت المقرون وصوّبت وهي تعمل هكة وتفصع ، هي تجري وأنا نجري، قال: وقفت ترتاح في "الجم" أنا صوّبت وهي تعمل هكة وتفصع ...أيا ما نطولش عليكم ، شديتها في جربة ...
قالولوا: والبحر ؟؟؟
قال: هاو علاش نكره الحديث مع الفروووووووووخ ......

قداش الوقت؟


واحد عندو يد مقصوصة من تحت الكتف بالضبط ( الله يسترنا ويستركم) ماشي على روحو في الشارع ، عارضو مواطن سألو: برّني قدّاش يعمل الوقت توه؟ قام هاك المعاق يدّو ، مربوطة فيها منقالة (سواتش تقريبا) وقالو : تو العاشرة وخمس دقائق ، شكرو هاك المواطن ومشى على روحو ، وبعد شوي وقف ومشالو و قالو: سامحني خويا لعزيز ، من شوية سألتك على الوقت وشفتك حاطط المنقالة في يك الـ..قصيرة ، علاش ما تحطهاش في يدك لخرى ؟ قالو: بجاه ربّي منين جاك ها الذكاء ؟؟ وكيف تسكن كيفاش باش نعمّرها ؟؟؟

ان شاله يكونوا عجبوكم خن نضحكوا شوية

اين اراكم ومازال مازال ....

-----------------------------الأمضاء---------------------


Razz Razz
الرجوع الى أعلى الصفحة اذهب الى الأسفل
عفراء
تلميذ جديد
تلميذ جديد


عدد المساهمات : 5
نقاط : 6
تاريخ التسجيل : 11/01/2010

مُساهمةموضوع: رد: ابخل عباد ربي   الأربعاء يناير 27, 2010 12:38 pm

لوووووووووووووووووووووووووووووووووووووووووووووووووووووووووووووووووووووووووووووووووووللل Laughing Very Happy
الرجوع الى أعلى الصفحة اذهب الى الأسفل
Admin
الأدارة
الأدارة


عدد المساهمات : 204
نقاط : 436
تاريخ التسجيل : 09/12/2009
الموقع : tunisia-school.firstgoo.com

مُساهمةموضوع: رد: ابخل عباد ربي   الأربعاء يناير 27, 2010 6:22 pm

حلوة النكت شكرا
الرجوع الى أعلى الصفحة اذهب الى الأسفل
http://tunisia-school.firstgoo.com
 
ابخل عباد ربي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تونيزيا سكول :: القسم العام :: منتدى التسلية العامة و دردشة الأعضاء-
انتقل الى: